المطلوب:
أكياس نايلون متوسطة الحجم لحفظ الخضار واللحوم
- صينية فويل لحفظ الأرز أو المكرونة وممكن بيركس
- ورق زبدة أو أي نوع ورق أبيض أو حتى ورق المطبخ اللي بيستعمل لشفط زيت القلي لشفط الرطوبة من الأرز أو المكرونة
- ورق أبيض صغير أو تيكت لكتابة الصنف
- لاصق شفاف يوضع على التيكت أو الورقة المكتوب الصنف، ولو تحب التاريخ علشان لا تصله أي مية أو ثلج.
الطريقة:
نعمل جدول أسبوعي يشمل طبيخ الأسبوع أو أسبوعين، بحيث ممكن نكرر الطبخة مرتين (إما مرتين في الأسبوع أو مرة في الأسبوع حسب رغبة وتعوّد عيلتك). بهذه الطريقة عندما نطبخ سنضاعف الكمية التي نطبخها في المرة الواحدة.
ننتظر الى ان يبرد الأكل ثم نقسمه في الأكياس.
بالنسبة للخضار: نقسّم في كل كيس القليل خضار، ونغلقه باللاصق الشفاف. ثم نلصق عليه التيكت مكتوب عليه نوع الخضار وتاريخ الطبخ، ونلصق عليها اللاصق. (كتابة التاريخ هتساعد في استعمال الأقدم).
بالنسبة للحوم والدجاج: لو اللحمة مكعبات والدجاج مقطعة قطع صغيرة أو متوسطة أو شيش طاووق تُعبّأ بعد الطبخ عادي في الأكياس وتتخزن زي الخضار.
أما لو كانت شرايح فنعمل الآتي:
- نطبخ اللحمة بالطريقة اللي نريدها سواء في الصينية في الفرن أو مطبوخة بيكاتا بالصوص البني أو الصوص الأبيض أو أي طريقة تعجبك.
- نفصل اللحمة من الصوص، بحيث نرص اللحمة فوق بعض وجنب بعض بالترتيب، ونبطط الكيس، ونغلق الكيس برضه باللاصق ولا ننسى أن ندوّن الاسم والتاريخ.
- بالنسبة للصوص الذي طبخنه نقسمه لكميات في أكياس ونطلعها حسب الطلب. ومن ممكن نطبخ أنواع كتير للصوص، ونضعها على أنواع من الأكل زي المكرونات أو الدجاج المسلوقة أو المشوية... إلخ.
بالنسبة للمكرونة والأرز يتم تخزينهم إما في أطباق أو صواني فويل أو بايركس، ويتغطوا بورق الزبدة أو ورق شفط الزيوت عند التحمير؛ لتشرب الرطوبة. ودائماً لا ننسى التيكت بالاسم والتاريخ واللزق.
وممكن نطبق نفس طريقة حفظ الخضار لحفظ الشوربة.
عندما ننهي كل الأكل وإعداده للتخزين ممكن نحضر ورقة ونكتب عليها أنواع الأكل المتخزن ونعلقها على الفريزر.و عند استخدام الطبخة نحذفها من القائمة بحيث نعرف الباقي.
وكل سنة وإنتم طيبين.
0 التعليقات:
إرسال تعليق